Har dard ka manzar hai sajjad ki aankhon mei



(Zainab ka khulla sar hai) x2 sajjad ki aankhon mei



Mazloom akela tha aur chaaro taraf lashkar

Is alame ghurbat mei shabbir ki gardan par

Chalta huwa khanjar hai sajjad ki aankhon mei



Har dard ka manzar hai sajjad ki aankhon mei



Athara baras paala maa ne jisse parde mei

Barchi ki anee tuti us chand ke sine mei

Wo laashae akbar hai sajjad ki ankhon mei



Har dard ka manzar hai sajjad ki aankhon mei



Jab tak bhi rahi zindaan saaye mei nahi beti

Bas yaad mei asghar ki koi huwi rehti thi

Besheer ki madar hai sajjad ki aankhon mei



Har dard ka manzar hai sajjad ki aankhon mei



Jis keliye bachpan mei jannat se libaas aye

Wo dilbare zahra hai be goro kafan haye

Mazloomiye sarwar hai sajjad ki ankhon mei



Har dard ka manzar hai sajjad ki aankhon mei



Be parda jo guzri hai bazaar ke raste se

Be jurmo khata jis par pathar bhi baraste the

Wo aale payambar hai sajjad ki aankhon mei



Har dard ka manzar hai sajjad ki aankhon mei



Kistarha bulade wo bachi ki shahadat ko

Dafnaya jo zindaan mei baba ki amanat ko

Ghurbat ka wo manzar hai sajjad ki aankhon mei



Har dard ka manzar hai sajjad ki aankhon mei



Tanhayi hai aur ghar hai har din hai qayamat ka

Dil kese lage uska veeraan hai har hujra

Zahra ka bhara har hai sajjad ki aankhon mei



Har dard ka manzar hai sajjad ki aankhon mei



Ay mir takallum jo hai aaj talak jaari

Hai mujko yaqeen jiska katra hai azadari

Wo gham ka samandar hai sajjad ki aankhon mei



(Har dard ka manzar hai sajjad ki aankhon mei) x2